بابه‌ته‌کانی ئه‌نوه‌ر حسێن (بازگر)
كۆنزەرڤاتیڤەكان
  

* هەڵبژاردنەكانی كوردستان بەڕێوەن و وڵاتانی دونیاش بە گرنگیەوە سەیری دەكەن (2009)، لە كاتێكدا خەڵكی كوردستان هەست بە جۆرێك لە مەترسی دەكەن، بەڵام دوا جار دەبێ هەموو هێز و لایەنە سیاسییەكان ئەوە بزانن ئێمە جگە لەم ئەزموونە، سەروەری شۆڕش، پراكتیزەكردنی دیموكراسی و گەشەسەندنی و بەدیهێنانی مافەكانمان هیچی ترمان نییە و باشترین فاكتەریش بۆ پشتیوانی لەو خەونانە، كارتی هەڵبژاردن و پرۆسیسی دیموكراسیە.

* هێشتا كوردستان لە بەردەم كۆمەڵێك مەترسی ناوەند، ناوچەیی و دەرەكیدایە، هەڕەشەی گەورە لە سەر پەكخستنی هەنگاوە گەورەكانی هەرێمدا هەیە و سەركردایەتیی سیاسیی كورد و هێز و لایەنە سیاسییەكان لە هەموو كەس باشتر هەست بەو هەڕەشانە دەكەن و دەیزانن، بۆیە نابێ ڕێگا بدەن بە هەر بیانوویەك بێت پرۆسیسی هەڵبژاردن بە شێوەیەك بێت كە هەنگاوەكانی پێشوو ساردبكاتەوە و نەتوانین لە ڕێگای ئەم هەڵبژاردنە تازەوە نمونەیەكی جوان نیشانی دونیا بدەین و بچینە ناو هاوكێشە قورس و گرنگەكانی دونیاوە.

* ئێستا وای لێ هاتوە لە هەر كوێی دونیا پرۆسیسی دیموكراسی هەبێت و هەنگاو بنێت، وڵاتانی پێشكەوتووی ئەوروپا و ئەمریكا و ڕێكخراوە مەدەنییەكان ڕاستەوخۆ پشتیوانیی لێ دەكەن و وەکوو چۆن بینیمان لە هەڵبژاردنەكانی ژانویەی ئەمساڵ (2009) لە عێراقدا بۆ ئەنجوومەنی پارێزگاكان پشتیوانیی لێ كرا و تەنانەت وترا " هەڵبژاردنەكانی عێراق، پرۆسیسی دیموكراسی لە عێراق پێش كوردستان خست.

* ڕەنگە خاڵێك زۆر گرنگ بێت كە باسی بكەین، ئەویش ئەوەیە كە ماوەی هەژدە ساڵە شانازی بەوە دەكەین كە سیستمی سیاسی و دیموكراسی لە هەرێمی كوردستاندا زۆر لە پێش عێراقەوەیە، بەڵام بەم دوایییانە ڕەخنە لەم شانازییەی ئێمە گیرا و پرسیار كرا، بۆچی هەڵبژاردنی شارەوانییەكانی كوردستان لەگەڵ عێراق نەكرا؟

بۆچی پەرلەمان كوردستان كار و فەعال نییە و ناتوانێت لێپێچینەوە لەگەڵ وەزیرەكان بكات؟ زۆر شتی تر. بەڵام ئەوانە ڕەنگە هەموو پاساوی سیاسی و یاسایی هەبێت و ڕەنگە ڕاستیشی تێدا بێت، بەڵام ئەم هەڵبژاردنەی بەڕێوەیە، دەتوانێ وێنایەكی جیاواز و جوان و باش بداتە عێراق و لایەنەكانی، گەر باش بەڕێوە بچێت و گەر پێچەوانەش بوو كەواتە پێچەوانەكەی ڕاستە، ئەمەش بۆ هەرێمی كوردستان هەم گرنگە و هەم پێویستە، بەڵام سێ خاڵ زۆر گرنگە لەم پرۆسەیەدا:

یەكەم: نابێ ڕێگا بدرێت تەشیر و جوێن و سوكایەتیپێكردن و شەڕە پەڕۆ و لێدوانی نامەتیقی پانتایییەكانی هەڵبژاردن و ڕاگەیاندن بگرێتەوە لە نێو هێزە سیاسییەكان و لایەنەكانی هەڵبژاردندا و پرۆسەكە ناشیرین بكات.

دوەم: گرنگە ململانێكە شەریفانە بەڕێوە بچێت، بەڵام دەبێ دەنگدەر ئەوەش لە بەرچاو بگرێت، كە پشتیوانی لە هێزە دیموكرات و پێشكەوتنخوازەكان بكات و ڕێگا نەدات هێزە كۆنزەرڤاتیڤەكان بێنە پێشەوە، ئەمەش یەكەم ئەركی هاوڵاتی و دەنگدەرە لە پێناو سەرخستنی ئەزموونی هەرێم و چەسپاندنی سیسمتێكی سێكۆیلار و مەدەنی و مۆدێرن و دیموكرات.

سێیەم: دەبێ لیست و دژەكانی بەرامبەریش قبوڵ بكەین و ئەوانیش بە هەمان شێوە و هەموو لایەنەیانیش ئەنجامەكانی قبوڵ بكەن، چونكە هاوڵاتی تا ڕادەیەك نیگەرانە ئەگەر كەشێكی گونجاوی بۆ نەرەخسێ هەست بە مەترسی و خوێن ڕشتن بكات، ئەوەندەی تر خۆی بە دوور دەگرێت، كە ئەمەش نەبەقازانجی هێز و لایەن و لیستەكانە، نە بە قازانجی ئەزموونی هەرێمی كوردستانە.

* بە كورتی هەرێمی كوردستان و كورد، لە بەردەم ئەزموونێكی گەورەدایە، كە جیاوازترە لە ئەزموون و هەڵبژاردنەكانی پێشووتر.


  ژماره‌ی بینین:  2937
  به‌روار:  19/01/2021
بابه‌تی زیاتر...
ناونیشان
بینین
شەڕی تونێلەكانی قەندیل 647
كۆنزەرڤاتیڤەكان 2937
كێ ڕۆژنامەنووسە...؟ 1887
فەرهاد پیرباڵ و شێركۆ بێكەس 1869
گەرمبوونەوەی پەیوەندییەكانی هەولێر-بەغدا 1894
چارەنووسی كەركووك 1864
سلێمانی چەقی هەڵبژاردنەكان 1851
ژیانەوەی جاشایەتی 1885
ژنكوشتن...؟ 1872
په‌ڕه‌یله‌ 41
ژماره‌ی بابه‌ت
[email protected]
Anwar Hussen
Anwar Hussen
Anwar Hussen_bazgr
Anwar Hussen bazgr
Anwar Hussen bazgr
009647701535029