ڕێکخراوی (تۆڕی ئەکادیمیا و دیالۆگی میدیا)

ڕێکخراوێکی ناحکومیی قازانجنەویستە و ساڵی (2013) دامەزراوە. کارە سەرەکییەکانی ئەم ڕێکخراوە خۆی دەبینێتەوە لە چاپ و بڵاوکردنەوەی کتێب و نامیلکە و بڵاوکراوەی تایبەت بە بواری میدیا و کۆمۆنیکەیشن. لە پاڵ ئەوەشدا بەردەوام دەستپێشخەری دەکات بۆ ڕێکخستنی خول و وۆرک شۆپ و ڕاهێنان بۆ ئەو کەسانەی دەیانەوێت لە بواری میدیادا کار بکەن، یاخود کار دەکەن و دەیانەوێت تواناکانیان بەرەو پێشەوە بەرن.

ئەم ڕێکخراوە لە ڕێگەی ئەو ئامڕازانەی ئاماژەیان پێ درا، کار دەکات بۆ بەدیهێنانی ئەم ئامانجانە:

1. بەرزکردنەوەی ئاستی هۆشیاریی میدیاکاران و ڕۆژنامەنووسان.
2. دۆزینەوەی توانای شاراوەی لاوان لە بواری میدیادا.
3. بەرگریکردن لە مافی میدیاکاران.
4. خوڵقاندنی فەزایەکی ئازاد و دوور لە سانسۆر بۆ کاری میدیایی.
5. بەپیشەییکردنی کاری میدیایی.